Seteskift på NDK Explorer

Njord AS hadde ein NDK Explorer som trengde eit nytt sete. Det gamle setet var lausna i festa på eine sida og allereie reparert fleire gonger på kvar side. Men dette viste seg å ikkje halde så godt. Eit nytt valleysete måtte til. Eg skulle få låne kajakken ein periode mot å gjere arbeidet. Ein god avtale for meg!  :-)
Sidan valleysetet  har skruehol oppå, måtte det borast i Exploreren.

1:

Før det gamle originale sete var fjerna, merka eg av framkant og bakkant i botnen på kajakken. Det nye måtte vere mest mogleg lik i plassering. Om dette vert endra, vert eigenskapane til kajakken endra også.. Det nye setet er lengre (har meir støtte til låra), slik at det er bakkanten som er viktigast å følgje.

2:

Eg sikta ovanfrå og prøvde å få bakkant mest mogleg likt som det gamle setet.

3:

Så teikna eg rundt eine skruen med tusj der det måtte borast. Valleysetet har fem ulike innstillingar i lengderetning, slik at det er mogleg å regulere litt etterkvart.

4:

For å sikre at setet ikkje ville bli montert skeivt, brukte eg tau frå bærehandtaket bak for å måle kor skruehola skulle vere på den andre sida av cockpit..

5:

For at det nye sete skulle få plass måtte restane etter det gamle vekk.

6:

Då måtte eg bruke vinkelslipar. Det vart eindel støv (type farleg) under denne prosessen, så her er maske og briller smart..

7:

Så var det berre å bore. Tynt bor først.

8:

På med plata med feste til skruene under. Desse har to skruefester, men erfaring med Cetusen (skifta sete på den tidlegare) har vist at ein skrue på kvar side er nok.

9:

På med polstringane på sidene.

10:

Ferdig resultat. Explorer med valleysete.

Og i morgon er det prøvetur..

Stormsamlinga 2010

I helga var det Stormsamling på Bulandet. Det var første gong klubben vår arrangerte. Ca 50 padlarar samla for flott padling, nydeleg mat og sosialt samver. Fredagen var vi i klubben ute å leika oss litt før dei fleste deltakarane kom seinare på kvelden.

Her er Ervin med ein liten surf:

Roger demonstrerar "luft- støttetak":

Lise Lotte med ein flott surf:

Torbjørn med Impexen:

Oddvinn og eg var på leit etter gode surfeplassar fredag ettermiddag. Etterkvart tok Torbjørn oss med på ein tur rundt fuglesteinane og på vestsida. Der var det (som namnet tilseier) mykje fugl og sterk guano- lukt.. Men eit fantastisk område. Dessverre var batteriet i fotoapparatet daudt då.

Ein del av jobben min var å ta bilete og lage ein framsyning  på laurdagskvelden, med bilete frå fleire fotografar. Sundag var eg med på guida tur.  Det var litt meir vind søndagen enn laurdag, men det vart aldri store dønningar ut av det. Uansett var det ei flott helg med mykje padling og mange kjekke folk. Og Bulandet ER paradis på jord. Amen.

HER er det fleire bilete frå samlinga:   HER er fire surfevideoar frå helga.

Grunnkurs elv i Stardalen!

Helga 25. og 26. september var eg med på grunnkurs elv i Stardalen. Elva var ein grågrønfarga breelv, og var difor ganske kald. Før vi starta padlinga, fordelte vi elvekajakkane.
Stardalselva var ein flott stad for grunnkurs. Litt av kvart å øve seg på. Alt frå sakterennande djup elv, til grunn, rasktrennande med små stryk. I følgje Torbjørn var denne elva frå grad 1 til 2.

Her er vi klare til å gå utpå. Torbjørn Nordeide (instruktør) forklarar litt:

Andre´ mot straumen. Han hadde nok den mest krevjande kajakken, og var vel den som måtte symje mest:

Det var fem deltakarar på dette kurset. Tre frå vår klubb, Askvoll padleklubb og to andre. Dei var dykkarar begge to og godt van med vatn. Under kurset øvde vi på traversering (forflytning frå ei side til andre), kanting, svømming (mykje svømming..) og tauing.

Kristofer jobbar på:

Her er vi komen nedover mot Våtedalen. Her var det ganske rolege forhold:

Torbjørn inn i straumen. Artig å sjå på ein padlar med stor kontroll i slike forhold!

Nokre stader var det svært grunnt og mykje straum, så det vart ein del velt. Rulla sat nokre gongar, men vart litt "nedpsyka" av steinane som dunka mot hjelmen. Difor vart det ein del "wet- exit".

Her er eit bilete av Oddvinn og kajakken. Kvar for seg ;-)

Her eit bilete av meg i Creek- kajakken:

Det var eit svært lærerikt kurs og kjempehyggjelege folk! Overføringsverdien til havpadling (og spesielt brottpadling) som eg driv med til vanleg, er stor; Manøvrering og kontroll på vatn i rørsle.

Fleire bilete og tre videoar frå kurset ligg HER

Dei beste bileta og meir utfyllande tekst, sparar eg til ein artikkel som kanskje kjem i bladet; Padling.. ("Blod-på-tann- syndromet")

Klubbtur med ny kajakk!

Torsdag 23. september var Lene, Oddvinn, Oskar og eg ein liten tur utpå. Eg fekk prøvd den nye kajakken eg har kjøpt. ein Tahe Marine Greenland T (aramidforsterka): Slik ser den ut:

Veldig nøgd med kajakken. Knallbra til ruller og andre triks. Eg blir overraska kvar gong eg prøvar ein Greenland over kor rask den er. Med grønlandsåre og rett teknikk kan ein kome opp i ganske bra tempo.

Det var litt vind og sidan Oskar (9 år) var med, vart det ikkje noko lang tur. Berre krysning av bukta og tilbake. Etter turen vart det tid til litt trening på static brace, rullar og anna.

Lene fekk vise at ho ikkje har langt att til rulla. Her i fin static brace:

Oddvinn rullar:

Du finn ein video med handrulla i greenlanden her

Her er ein video av ein "butterflyrulle".

Med litt kald nordavind, vart det ein kort tur på sjøen i går, men eg fekk prøve kajakken så mykje at eg har begynt å glede meg til vinteren med mykje rulletrening. Men først er det grunnkurs elv i helga..

Artikkel i Padling

I septemberutgåva av bladet Padling, vart artikkelen vår frå Åreleiken teken med. Oskar vart stolt som ein hane då han kom att frå skulen og såg bladet. Inni bladet var det 4 sidar med tekst og bilete frå turen. Presentert på ein flott måte.

 Her er bilete som vart brukt på dei to første sidene inni bladet:

Ny padletur til Herdla

Fredag 23. august var eg på ein padletur til Herdla igjen. Og denne gongen med ein fantastisk solnedgong! Veldig fasinerande å sjå korleis lyset og fargane forandra seg utover kvelden.

Og ordtaket; "Aftenrød gir morgen blød" stemte. Neste dag var det nedbør..

Plogar med grågjess som rastar på Herdla, på veg sørover. Sommaren er nok ugjenkalleleg slutt.

Området rundt Herdla er ein flott stad for padling. Det er gode høve til å leike seg i dønningane som kjem rett frå havet.

Og rolegare sund og vikar.

Etter at sola gjekk ned i havet, vart det ei studie i pastellfargar:

Meir info om Herdla finn du her.

Tur rundt Herdla

Torsdag 19. august vart det ein tur rundt Herdla. Eg brukte knappe to timar på turen som inneheldt alt frå kraftig medsurfpadling og kosepadling.

I land på nordsida av øya, der det er rullesteinsstrender:

Herdla var ein viktig base for tyskarane under krigen. Mange bunkersar og anna ligg att etter dei. Det var også ein flyplass for dei tyske krigsflya.

I dag er Herdla eit naturreservat med variert og enormt fugleliv.

Det var ein flott kveld for padling. Og ein fin bursdagsgåve til meg sjølv.