Tur og kamera(t)redning med Oskar

Torsdag 12. august var Oskar og eg på ein padletur.

Etter å ha varma opp litt, øvde vi på kameratredning. Han var ikkje så villeg til å gå ut i vatnet, men etter eit (mildt) press gav han etter.

Med våtdrakt og med den temperaturen som er no, gjekk det greitt å liggje i sjøen litt.

Han fekk også prøve cowboyredning. Dette viste seg å vere litt vanskeleg med den kajakken han hadde (Current Design Raven). Ryggstøtta er så høg, at den skapar problemar både ved cowboy- og kameratrening. Vi må nok sage litt..

Eg prøvde også nokre mislukka handruller i Greenlanden, som vart filma av Oskar. Og ved eine høve gjekk han rundt. Kameraet var heldigvis festa rundt handa, så det gjekk bra med det også. ;-) Elles har vi øvd ein del på å tippe rundt, så det er ikkje noko dramatikk i dette for han.

Eit litt stivt smil etter eit par gongar i vatnet.

Vi fekk også tid til "salte- sitronfox". Dvs fox- karamellar som låg i vesten då eg rulla..Ein delikatesse!

Elles merkar eg at Oskar som no har blitt 9 år, har blitt for stor for Raven- kajakken. Så no vert det nok greenlanden eller Avoceten framover for han.

Ruller med Tahe Greenland

Søndag 8. august vart det litt tid til rulletrening på familiedagen i Holmedal.

Du finn videoane av rullene HER

Grunnkurs

I helga hadde eg grunnkurs her i Askvoll. Ein stille dag på laurdag. Fine forhold for trening på teknikk og redningar.

Søndagen utpå ettermiddagen blas det opp. Då fekk vi testa redningane i litt sjø også. Vi fekk erfare at åreposeredning er plundrete å få til i vind og bølgjer. Lett å miste kajakk, åre eller årepose.. Likevel den eigenredningsmetoden som er mest "bankers" for nybegynnarar.

Padletur med Simbad rundt Møkalasset.

Torsdag 29 juli fekk eg besøk av Simbad frå padleforumet. Han heiter eigentleg Stein Erik Lid og var eit triveleg bekjentskap. Vi padla frå Øyra og rundt Møkalasset. Litt rulletrening undervegs og avslutningsvis.

Eg fekk også prøve kajakken hans, ein Valley Nordkapp LV. Ein lettrulla sak med litt manglande primærstabilitet. Han prøvde Marlinen min. Her litt sculling:

Her er ein vakker rulle utført av Stein Erik:

Stein Erik rullar Nordkapp LV

Skjærgårdstreffet 2010

Fredag 16. juli var det aktivitetsdag for ungar på Øyra. Ca 100 ungar fekk prøve seg utpå i doble kajakkar. Mykje moro for padlarar i alle aldre..

Jørn Magne opp etter ei rulle:

Og; Det går faktisk an å rulle ein dobbel kajakk: ;-)

Innslaget i sommaråpent den 12.juli

Her er innslaget som vart sendt på sommaråpent på NRK den 12. juli. Ganske god reklame for padling, og spesielt for padling i Bulandet.

Padleinnslag frå Bulandet

Dagen etter dette opptaket vart gjort, var det endå betre forhold for surfing. Vinden hadde stilna noko, og det var meir forutsigbare dønningar frå havet.

Her er opptaka frå den dagen (dei fire første):

Surfevideoar frå tysdagen

Har veldig lyst til å kome meg ut igen og øve litt meir på surf.. Øving gjer meister.;-)
Torjørn har øvd mykje..

Bulandet- kontrastanes rike!

Nokre dagar etter klubbturen vår til Bulandet, tenkjer eg litt på kor fantastisk dette øyriket er. På den eine sida av holmar og skjær, kan det vere slik;

Og på den andre sida er det slik;

Heldigvis sat rulla denne gongen.

Store kontrastar med andre ord. Ein annan ting eg opplevde, var å bli føysa oppetter berget, då eg skulle slepe desse to ut frå brottsona;

Akkurat i det eg hadde fått feste med slepelina, kom det eit par bølgjer. Den første slengde dei to på land. Den andre slengde meg bortetter land. Kajakken treng ny gelcoat her og der, men verst var det med stoltheita. Det hjalp heller ikkje så mykje på den, at Torbjørn kom ut akkurat då, og fekk med seg heile det patetiske skodespelet.. ;-)

Eg har aldri kjent meg så hjelpelaus og liten. Har fått litt meir respekt for bølgjer som bryt mot land, ja. Men at det var ei nyttig erfaring å prøve redning i fire stjerners forhold, kan ingen kome i frå. Og i etterkant har vi forstått at det truleg hadde vore betre å få dei ut frå brottsona raskare, ved at dei hadde halde seg fast i kajakken min medan eg slepte.
 
Ein god dag på Bulandet, startar gjerne med ein snopetur på butikken, ut og leike seg i bølgjer (helst utan å få for mykje bank) og så avslutte med festmat i Floren (femstjerners forhold..) og noko attåt. Då kjenner ein at ein lever. Og ein set pris på at ein har gode vener både i bølgjene, og på kvelden. Og om tre månader er det Stormsamling..