søndag 20. november 2016

Fridykkarkurs 19. og 20. november


Eg har lenge tenkt på å ta eit fridykkarkurs, og denne helga vart det endeleg sjanse for det!

Vi starta kurset laurdag morgon med ei teoriøkt. Instruktør for kurset var Birger H. Fatland, og kursstaden var Sunnfjord Folkehøgskule.


I teoridelen gjekk vi i gjennom ein god del nyttige ting å vite i forhold til trykk, pusteteknikk og til slutt litt om undervassjakt med harpun.

Slutten av teoriøkta vart brukt til å gå i gjennom utstyr som vert brukt i fridykkinga.


Laurdag ettermiddag var vi i bassenget i Førdehuset og gjekk i gjennom dei ulike framdriftssparka og redningsteknikkar. Då hadde vi alt utstyret i bruk, utanom hanskar og drakt.

Vi skulle også dykke ned på fire meters djupn. Sjølv om ikkje det er særleg djupt, kjende eg det godt i øyrene. Sjølv med å utlikne (presse luft ut i øyrene) kjende eg det godt i begge øyrene på det djupaste..


Søndagen var det " the real thing". Sjødykk med fullt utstyr. Her har eg kledd meg opp med drakt, maske og snorkel..


Her er Yngve klar for dykkinga. Då er også blybelte, hanskar og svømmefinnene på. I tillegg hadde vi sikkerheitsline og bøye, for å varsle båtar om at det foregår dykking i område.








Veldig mykje artig å sjå. Dessverre ikkje verdas beste kamera, men bileta gjer eit viss inntrykk over livet i sjøen..Slike manetar var det mykje av!




Å svømme oppned, var også ein ting vi trente på.




Vi skulle også øve på å dykke ned, ta av beltet, og gå oppatt. Det er viktig å øve på dette, i tilfelle det oppstår ein nødsituasjon, der vi må ta av beltet for å kome oss fort opp. Med så mykje oppdrift i drakta, er det heilt nødvendig å ha på blybelte for å kunne klare å dykke ned.

Etter at beltet var løsna brukte vi lina (som var festa i beltet) til å dra beltet opp. Då skulle vi også øve oss å ta det på att, i sjøen. Det var ikkje så lett, men gjekk greitt etter litt øving..


Nokre lodd sklei av beltet då vi skulle dra opp beltet. Her er Øyvind på veg ned for å hente lodda som hadde sklidd av.








Eigentleg finast med fargane der det ikkje er så djupt..



















Desse tre bileta er av meg, som prøver å svømme oppned..








Denne fann eg på berre ein meters djupne.




Her var staden vi var søndagen:


Og her er heile gjengen (- fotografen):


Utruleg kjekt kurs, hyggjelege folk og fantastisk område å dykke i. (Flokenes i Askvoll kommune)  Eg kan absolutt anbefale eit fridykkarkurs, og eg kan absolutt anbefale kurs med Birger (Sunnfjord folkehøgskule) som instruktør. Ein veldig grundig og flink instruktør, som guida oss gjennom alle teknikkane på ein flott måte.

Og dette gav veldig meirsmak. Må nok kjøpe utstyr og kome meg i sjøen igjen. :-)

Takk til Birger for super kursleiing, og dei andre deltakarane for to flotte dagar!

søndag 6. november 2016

Novembertur


 I dag stod eg opp tidlleg for å få med meg soloppgangen.



Fata Morgana



Fin dag, men litt kald austavind.






Liten beinstrekk på Flatøyna






Ingen dyrebilder i dag, men eg var ca 2 meter frå ein oter som hadde fanga seg ein fisk til frukost. Dessverre høyrde han glidelåsen på vesten då eg skulle fiske opp apparatet, så ingen bilete... :-/



Kokekaffe- pause på Sauesundsøyna.






Viktig med rett mengde kaffe..



Det går an å sole seg i november også..



På denne stranda var det mykje skjell, stort sett hjerteskjell



Inn att mot Askvoll.


Det har begynt å bli klart i vatnet. Det passar bra, for om 14 dagar er det fridykkarkurs :-)

tirsdag 25. oktober 2016

Litt kort hausttur

I dag vart det ein liten tur utpå for å teste North Shore Atlantic LV. Eg har jo testa storebroren før, i bladet Padling. Denne LV- versjonen (485 cm/55 cm/24.5 kg) er jo 30 cm kortare enn standarden (515 cm/ 55 cm/ 26 kg).

Dette hadde jo ein del å seie for kor livleg den kjendes. Og når den i tillegg mangla senkekjøl, var det mykje styretak heile tida. Det var ein del bølgjer i dag, og då dansa den fram og tilbake i bølgjene. Dette er nok ein båt som treng senkekjøl i litt bølgjer for å få stabil retning. Slik er det jo ikkje med den eg padlar til vanleg (NDK Explorer), som berre unntaksvis treng senkekjølen nede.

Elles ein artig båt, som var stor nok for meg. (85 kg/ 186 cm) Gode lårstøtter og godt sete er det også i denne. Og med lite bølgjer, er den jo sikkert leiken og lettmanøvrerbar til småpadling/ kursbruk. Eg ville nok kvidd meg for å leggje ut på langtur i denne. Men med senkekjøl hadde den i alle fall blitt betre...


Siste dag med bra ver. No er det meldt nokre dagar med ruskever.


Sidan vinden auka å og mørket kom fort, tok eg ein "Bieber" og feiga ut midtvegs. Det er ingen skam å snu.. Med ukjent kajakk og aukande vind, fann eg ut at ein foto- og padletur langs land tilbake, var like lurt..

Liten beinstrekk i Sandvika..



 Sjøstjerne på strand, type død..:



Stilstudium av strå, hav og himmel.










Og ja.... det vert fort mørkt no for tida...