søndag 29. desember 2013

Desember- tur

I dag var det noko så sjeldan som solgløtt her hos oss. Måtte berre ein tur utpå å nyte aukneblinken..


Turen i dag starta med ganske rolege forhold.


Innimellom heilt roleg...








Var ein liten tur på land på Flatøyna for å strekke beina.


Tørre strå kan jo vere fint..


På leit?




Inn att mot Øyra, gjekk det fort. Vinden hadde auka på til kuling. Moro!


På slutten av turen vart det ganske grått og ufyseleg. (Omtrent slik som vi har hatt det i heile desember)


Likevel ein kjekk og frisk tur. Då eg kom heim såg eg på facebook, at det hadde vore 4- 5 spekkhoggarar ved gamlekaia i Askvoll medan eg var ute. 

(Foto: Tore Dalland)


Og det verste av alt var at desse leika seg ca 100 meter rett nedanfor huset vårt. Snakk om å "gå over bekken etter spekkhoggarar" 

Kanskje neste gong?

torsdag 26. desember 2013

Padling i kuling og storm

I dag vart det ein tur med exploreren og euroåra. Grønlandsåra mi er til behandling. Den skal få forsterka tuppar.. Ganske bra med vind i dag. Det veksla mellom sterk kuling og full storm. Eg kunne ikkje gå langt i frå kajakken i dag, for då tok vinden tak i den..


Det var tryggast å leggje den slik, viss eg skulle gå langt vekk:


Det vart litt padling mot og med bølgjene..



Noko småsurfar vart det innatt, men vanskeleg å "fange" slike korte vindbølgjer.. Måtte sjekke om eg fekk til stormrulle med euroåra og denne kajakken.



Det gjekk greitt. Fekk det til fleire gonger. MOT bølgjene, vel og merke.. Prøvde også reverse- sweep, men det gjekk ikkje så bra med dette utstyret..



Ein vindfull, men lærerik økt vart det i dag. Mykje støttetak, hoftevrikk og ruller! FRISKT!


søndag 22. desember 2013

Endeleg!

Etter ein travel førjulstid var det flott å kome seg ut på sjøen att! Og med ny Brooks Tuilik frå Kajakkspesialisten A/S, og med "nyekajakken" frå Zegul, vart det ein del rulling.




Ein ting eg merka meg med skifte frå Greenland T til Greenland LC, er at det vart mykje tørrare inni cockpiten etter rullene. LC- utgåva har jo ein mykje rundare form heile vegen rundt, og slepp difor inn mykje mindre vatn. Brooks Tuilik og Zegul Greenland LC er svært god kombinasjon!


Ein anna forskjell eg merkar meg, er at det er ganske mykje meir bal å kome seg oppi denne kajakken. På touringen kunne eg berre hive meg utpå med kajakkan mellom beina, og så stikke beina oppi etterpå. På LC-utgåva er ikkje dette mogleg. Då må kajakken liggje halvveges ut i vatnet, så må eg plassere rumpa på bakdekket og skli inn med begge føtene samtidig. Difor er det kanskje aktuelt med kjølstripe på denne etterkvart? Det vert jo ein del føling i fjæra...




Var litt spent på om stormrullene sat.. Det gjorde dei, sjølv om venstresida var litt rusten.


Så overraska eg meg sjølv. Tenkte eg skulle prøve reverse- sweep for moro skuld.


Sjølv om den ikkje er perfekt, er eg på veg til noko. Prøvde ein gong til med godt resultat. Denne skal øvast meir på framover!

Så vil eg til slutt ynskje alle lesarane mine, ei fantastisk flott julefeiring!

onsdag 6. november 2013

Goltziana Marlin til sals- SELD!

Med tungt hjerte har eg bestemt å selje ein av dei tre kajakkane mine. Denne vert lite brukt, sidan dei to andre eg har dekkjer behovet mitt..


Denne glasfiberkajakken vart kjøpt hos Kajakk og fritid i Drammen i 2008. Den vart brukt ein del dei første åra, men har sidan stort sett hengt i garasjen, med unntak av nokre få småturar.


I padleeigenskap kan den kanskje samanliknast med NDK Romany. Den er super- manøvrerbar og svært artig å padle. På langtur med last kan den opplevast som litt treig, då den blir liggjande litt djupt. Byggjekvaliteten er god, og den vert seld i god stand. Litt småriper under, elles ingenting. Dei originale fotstøttene har blitt erstatta med Kajakksport fotstøtter.


Teknisk info om denne kajakken finn du HER!

Pris er 9000,-

Viss du er interessert, kan du sende epost til: odinhest(alfakrøll)hotmail.com

søndag 3. november 2013

Stormruller og mislukka reverse sweep

Fekk ei lita luke i dag til å kome meg utpå med Zegulen. Småkjølig austavind i dag, men måtte sjekke om stormrullene fungerte.




Etter ei lita oppvarmingstur, var det klart for rullings. Eg hadde eigentleg tenkt å ha eit kamera på land og eitt på kajkken. Men sidan Zegulen ikkje har tau heilt framme og bak (der dekket er glatt nok for at sugekoppen skal feste seg) turde eg ikkje å ha det på kajakken. Neste gong må eg ha med tau slik at ikkje kamera og sugekopp forvinn ned på botn om det lausnar..

Først høgre stormrulle:



Så venstre stormrulle:



No kan eg vel seie at eg kan stormrullene. Sjølv om dei ikkje er perfekte og "bankers" enno, sit dei ganske bra. Ganske fornøgd med det! :-)

Så kjæm de je itte kæinn..  Reverse sweep. Ikkje langt unna, men manglar den siste "moven".. Tips?






søndag 27. oktober 2013

Hausttur med minstejenta

Dette er ikkje ei bakgate i Venezia, men klubbhuset slik det ser ut etter ein travel sesong. Her var det mykje som måtte ryddast vekk frå snorene og hengast på plass..


Voila!


Minstejenta var med meg i dag, og eg hadde lova ho ein liten tur i dobbelkajakk etter arbeidet.


Kjekkast med pinne endå, men no har ho begynt å bli meir motivert for å vere med å bidra til framdrifta. Neste gong: Stormåre!


Titt- tei!


Ho var fast bestemt å padle til bestevenninna si i dag. Då sa eg at ho måtte padle sjølv. Det gjekk for det meste rundt i ring, men ho har begynt å forstå prinsippet.





Etter ei stund vart venninne- besøket droppa til fordel for pinnen..


Litt tungt ja, men positivt med initiativet.:-)



onsdag 23. oktober 2013

Lendal Kinetic Touring S



Euro- åre kjøpt i utlandet og betalt i euro..Neida! Dette er ei ny åre, men ein gamal modell. I Europa har Lendal blitt til Celtic paddles (som no er Nigel Dennis sitt merke), medan Lendal framleis vert seld som eit eige merke i U.S.A.

Denne åra vart kjøpt av Bert frå den tidlegare kajakkbutikken; Nome kajakk. Fekk også med eit futteral. Han har framleis nokre årer att, som en kan sjå her.

Eg har ein slik eldre Lendal- åre frå før. No er jo eg eigentleg ein grønlandsåre- fan, men for å vere euro- åre, er dette ein av dei betre modellane. Frykta var at eg må padle med ein annan modell, om den eg har vert øydelagd, eller forsvinn.. Den gamle til venstre, den nye till høgre:


Den nye kan varierast i lengda frå 216- 221 cm. Den gamle er i ein fast lengde (220 cm)


S- årene vert av og til kalla for "dameårer" av nokre, på grunn av det beskjedne arealet på blada. For min eigen del, må det vere lite areal på blada viss eg i det heile tatt skal padle euro. Det handlar om å anten å ha låg frekvens og flytte vassmasser sidelengs, eller høgare frekvens og dra seg framover på ein meir effektivt måte. Og då er valet enkelt for meg.




Desse Lendal- årene tek så mykje betre "tak" i vatnet enn Werner- årene. Dei har eit ganske krumt blad, som bilete viser:


Denne modellen kan justerast i lengd og i vridning med Lendal sitt paddlok- system.


Litt modding må til på denne, før eg kan bruke den. Den har forhøgning på venstre åreskaft.Den må eg flytte til høgre. Det gjorde eg også på den forrige. Brukte svart elektrikartape som har halde seg bra etter fire år med hard bruk..


Det finns også Lendal- årer i 4- delte utgåver, som er i heil karbon. Men eg meiner dei med nylon- blad (N-12), er vel så gode. Dei toler meir, og oppleves som litt mjukare å padle. Det negative er sjølvsagt vekta.. Desse årene er ein del tyngre enn moderne heilkarbon- årer.

fredag 18. oktober 2013

Ettermiddagstur


I ettermiddag var det et ganske flott lys, og eg hadde lyst på ein padletur..


Her ser det ut som eg padlar ein "EXBIOBEI"- kajakk. Kanskje eit nytt russisk merke?




Rundt Flatøyna:


Mykje oter i dag. Men eg fekk ikkje så mange blinkskot..

Oter- rumpe:

 Denne hvesa stygt til meg:


Før han stakk av..


Så vil eg takke Askvoll kommune for at dei hadde sett fram denne stolen i fjøra. Til bruk for slitne padlarar. Dei tenkjer no på alt, Askvoll kommune :-)


Men tok den med heim for vinteren.. Utruleg kor mykje dei fire beina bremsa farten på veg inn att.


Fullmåne og greier. Den kommunen, den kommunen...