Litt oppdateringar på rullefronten!

I dag har eg vore heime med sjuk unge. Difor har eg fått studert nokre ruller betre på nettet.  Slik som fleire tek opp, er chestsculling (brystsculling) ei fin trening for å klare dei framoverbøygde rullene.

Så eg starta med ca 10 slike på kvar side.. Her "vrangsida" (venstre):



Merka at det hjalp for å øve på å få til den rette vippen opp framover.
Etter dette ville eg prøve på reverse sweep på venstre side. Etter litt prøving og feiling, fekk eg den endeleg til (ein gong):



Så var det litt øving på nr 15, Roll with arms crossed:



Denne sit sånn tåleg bra, men kjennes veldig rar ut. Må nok øve meir, ja..

Så dagens surprise! Denne fekk eg til (ein gong) i dag:



(Nr 20: Throwing stick, start tucked forward, finish tucked forward)

Ingen av desse tre rullene over, kan eg seie at eg kan. Så difor vert det meir øving, før dei kan hamne på denne lista.

Så prøvde eg også denne i dag. Nr 34, Paddling upside down:



Ca 7- 8 meter? ( i så fall ca 3 poeng). Greitt å kunne viss det plutseleg kjem store hagl.

Elles øvde eg også på successive storm roll (nr 17), utan at eg kom så mykje lengre med den. 4 stk på 12 sekund. Men venstrerullene er på veg merka eg, i dag. Øving gjer meister ;-)

Herr Fomlesen!

Har tenkt ei stund på om eg skal publisere denne videoen. Den framstillar jo ikkje akkurat meg på ein overbevisande måte.. sånn rullemessig. (Videoen er ca ein månad gammal)

Saka: Eg ville prøve på å setje årepose på enden av åra på venstre sida, slik at eg fekk øve på den siste vippen opp når eg går framover på reverse sweep.



Denne situasjonen kjendes veldig ubehageleg ut der og då, men eg opplevde aldri den som dramatisk. Ein kan jo alltid dra seg ut av cockpit. Men dette sit langt inne for meg med våtbukse under tuiliken..

Det som skjedde var at eg ikkje klarte å flytte åra framover i set up posisjon til å utføre ein vanleg bakoverlent rulle. Og då måtte posen av. Dette viste seg å ikkje vere heilt enkelt. Trudde det var lett å skubbe den av årebladet, men eg hadde visst stramma tauet for hardt. Difor vart de litt fomling med posen med litt sporadisk luftinntak..

Læring i denne hendinga, er at øving med årepose er ikkje berre berre. For min eigen del, trur eg at eg droppar å øve med slikt på åra. Grunnen er at om ting skulle feile, vil eg alltid vere klar til ein bakoverlent rulle. Viss eg skal bruke slikt igjen, vil eg i så fall berre halde i åreposen (som ein avataq) og ha åra klar under strikken på framdekket når eg treng den.

Dei vanskelege venstrerullene..

I dag vart det ei lita rulletreningsøkt. Trente litt "hurtig- stormruller" og litt andre..

Først nr 8; Paddle held behind back (Høgre side)



Så venstre side:



Eg får problem med å løfte kanten på åra opp over kajakken. Det same merkar eg også på høgre sida, men der klarar eg å kome over med åra..

Så nr 7; Spine Roll (Høgre side)



Så venstre. Då skjer dette:



Har ikkje sjans på å kome rundt med kajakken. Tippar det at eg er for lite framoverbøygd og held åra for lite ned mot dekket. Viss nokon har tips til suksess, er det berre å kome med det! ;-)

Så nr 28 (Hand roll with a clenched fist) (Høgre side):



Denne går greitt no, men får ikkje til på ventre side.. grrrr..

Rulleøkt i mars!

Ein liten oppvarmingstur i dag, før litt rulletrening. Den nye kjølstripa lyser bra opp..

Fin temperatur og gode forhold i dag..

Så ruller! Først nr 17: Succesive Storm rolls performed in 10 seconds



Her klarar eg tre på under 10 sekund (Altså 3 poeng). Målet er å klare fire..

Så nr 9: Standard Roll with Padle held behind head. (Begge sider)

Venstre:



Høgre:



Eg var litt stiv i ryggen i dag, etter dag på vedskogen laurdag. Så noko elegant vart det ikkje. Skal nok finslipe desse, så dei ser litt betre ut..

Så dagens utfordring, nr 32 Elbow roll:




Kanskje ein vakker dag?? ;-)

Kjølstripe på Zegul Greenland LC

Ved overgang frå Greenland Touring med keyhole- cockpit, til Zegul Greenland med LC- cockpit, oppstod det eit nytt problem. Ved entring, var det ikkje berre å setje seg nedi, og svinge beina oppi lengre. Nei, no vart det å liggje i fjæra å "tre på seg" kajakken..

I tillegg til at dette ser mindre elegant ut, vart det ei påkjenning for kajakken. Så denne trong ei forsterking på kjølen. Og når vestlandsveret viser frå sin minst sjarmerande side, er det ikkje vanskeleg å bestemme seg for å gjere slikt arbeid..

 Først maskere der stripa skal vere (Det fekk berre våge seg at stripa kom litt over bokstavane..):

Så pusse ned med grovt sandpapir (nr 80):

Vaske med raudspirit, og leggje på polyester og fiberduk.

Neste dag: Pusse ned og vaske, før første lag med gelcoat:

Pusse ned det første laget med gelcoat (dagen etter):

På med andre lag, og dra av maskeringa før gelcoaten tørkar heilt.

Ferdig!

Ein meir detaljert oversikt finn du HER. Denne gongen droppa eg varme under presenning. Det var 4-8 grader då eg held på med dette. Ting tørkar jo litt saktare, men som oftast gjer ein jo berre eit par operasjonar kvar dag, når ein skal jobbe med slikt.

Panna Cotta ved Eimindfyret!

I ettermiddag stod valet mellom sofaen, eller padletur. Heldigvis vann padleturen!

(Sofaen har vunne mykje i det siste...)

 Ved gamlekaia var det mange måser. Kanskje på grunn av fiskebåten med sild som låg til kai?

Nye- åra var med i dag. Og FOR ei åre til turpadling!

I dag var det ei lita pause i den så stabile austa(dritt-) vinden som har vore den siste månaden. Denne kobben sniffa litt rundt, forstod det var noko muffins (eller Panna Cotta) på gong, og dukka ned..

Nærmar meg fyret!

Voila! Dessert- tid! ;-)

Panna Cotta frå Askvoll Sjømat & Delikatesser  SÅ GODT!

Kan ein betre ha det, ein fredagsettermiddag i starten av februar? Slik dessert, slik utsikt og slik ro i kropp og sjel...Trur ikkje det..

 Det vart også fangst i dag. Fender! Ikkje gitaren, men båtutstyret.. dessverre..

Så var det inn att til Askvoll. Flott tur og ein fin kveld!

Prøvetur med ny Aleut- åre!

Hei!    Kva er dette?    Pakke frå Vestfossen?

Jepp! Det vart ei Aleut- turåre på meg. Etter å ha prøvd ei tilsvarande frå Kajakkspesialisten A/S på Stokkøya i august, bestemde eg meg for å kjøpe ei slik.

Denne er 225 cm, dvs 5 cm lengre enn den vanlege grønlandsåra mi. Sidan denne stort sett skal brukast til turpadling, er greitt å ha den litt lengre. Fekk til og med namnet mitt trykt på! ;-)

Nylakkert som den er, prellar vassdropene greitt av.

Åra var fantastisk å bruke til rein turpadling. Den er lett, og har ein fin gange i vatnet. På ein måte styrar den av seg sjølv, når du dreg bakover. Dette gjer at du kan ha eit mykje lausare (meir behageleg) grep på åra.

Kald austavind i dag. Eg fann likevel nokre lune stader som var greitt å padle. Her; vatn i fast form:

Desse to (ein måse og ein skarv) kom eg heilt innpå i dag. Stor fordel med lydlaus forflytning på vinterstid..

Så klart som vatnet er no, blir det ikkje så gale undervassbilete heller:

Denne skarven lurte på om den skulle flytte seg, eller bli verande.

Slik ser sandbotn som har blitt eksponert for straum og bølgjer ut.

Elles veldig fornøgd med Aleut- åra! Den skal få vere med på mange turar i tida som kjem.

Lurar også litt på å kjøpe speilreflekskamera, men er litt i tvil om fuglane og dyra har tid til å vente til den rette linsa, den rette innstillinga og dei rette filtera har kome på? Trur eg held meg til kompaktkamera ei stund til.. :-)